Bayerische Sehnsucht
Zwoa Leit (Hanna und Hans) san übern groußn Teich rüba kumma
und hobn am Happinger Dorffest Platz gnumma,
weil s’ genau wissn, dass unsa Bier recht guat schmeckt.
Vom amerikanischen san bestimmt scho vui vareckt.
In Amerika tuat’s Bier süaß-saua schmecka.
Unsaoans taat davo varecka.
San ma froh, dass ma im scheena Bayernland lebn,
weil’s bei uns gscheite Bierbrauer tuat gebn.
Und – weil s’an gscheitn Obatztn wolltn speisen,
Hobn s’ müassn in unsa scheens Bayerland reisen.
Bis ma in ganz Amerika tuat oan findtn:
Do ist ma vui schnella bei uns herentn.
Beide, Hanna und Hans, san Mitglieder beim Trachtenverein Alt Rosenheim.
100 Jahr lang werd des wahrscheinli no net sei’n.
Beim Wiesneinzug könnts beiden zuawinka,
weil s’ hinta da Fahna vo de Alt Rosenheimer gehnga.
Des Rosenheimer Herbstfest derfan s’ auf koan Foi auslassn:
Sie müassn trinka mindestens oane oda mehrere Massn.
Davo müassn s’ a ganz Jahr lebn,
weils bloß oamoi im Jahr des Happinger Dorffest und des
Herbstfest tuat gebn.
Boid san beide wieda dahoam in Amerika.
Spatestens zur Rosenheimer Wiesn 2025 san s’ bestimmt wieda da.
Gedicht: Marga Leingartner
