An guadn Rutsch ins neie Johr – vom Priener Verserschreiber Ernst Reiter
Wissts, warum i mi heit frei?
Des oide Johr is boid vorbei!
Zwar hamas relativ guad gschafft,
do wahrlich war‘s recht eklhaft!
Vo da Pandemie arg plogt,
mit Lockdaun, wia ma boarisch sogt!
Schuin warn gschlossn, d‘
Wirtschaft hi,
wenn des ned schlimm is, frog i di.
Und do, dankbar müaßma sei,
denn bei de Opfa warn mia ned dabei!
Hoff ma auf des neie Johr,
daaß mit Corona des na war!
Wenn mia uns olle impfa lossn
na deaf ma wieda auf de Straßn.
Do langsam, bittschö, n
ed glei gaach,
i trau ihr ned recht, dera Sach,
weil d’Leit
hoid oft recht übatreim
is ‘s bessa, wenn ma achtsam bleim!
An guadn Rutsch auf jedn Foi
ins neie Johr, na schaugn ma moi!
Ernst Reiter 31.12.2020 – Foto: Hötzelsperger
