Wettaleichtn – Ein Gedicht von Marga Leingartner aus Rosenheim
’s Wettaleichtn am Montag war a seltne Pracht.
I hob etliche Buidl davo gmacht.
Dazua hob i natürli ’s Stativ aufbaut!
Ganz nebnbei hob i de einmalign Stimmunga zuagschaut.
Des Leichtn hot ma Richtung Nordn gsehgn,
wei des Zentrum do drobn is gwen.
Da Blitz hot nirgendswo eigschlogn,
wei mia olle brave Menschn san.
I glaab, vor mia hot er bsundas vui Angst ghabt,
weil er si oiwei blitzschnell wieda vasteckt hot.
Mit mei’m scharfn Blick hob i’s gschafft,
dass er si sofort auf und davo hot gmacht.
I hob scho vui mehra vatriebn,
und wenns bloß a Fliagn is g’wen.
Drum passt’s olle auf Eich auf,
wenn i tiaf eischnauf!
Gedicht und Bild: Marga Leingartner
