Poimkatzalblüah
Jetzt hots doch erst gschneit.
Is de Natur scho wieda so weit?
Des kurze Fruahjahr hobn de Blütn ausgnutzt
und san aus ihram Vasteck raus gschlupft.
I hob dacht, i siehg net recht,
aba de Blütn, de san echt.
I hob meine Augn fast net traut
und hob ma s’ genau ogschaut.
Bin gspannt, wos mia Ostern für a Wetta kriagn.
Tean de Poimkatzal dann oiwei no blüahn?
Womögli tuat eahna da Schnee zuasetzn.
Dann is’s aus mit de Blütn.
Poimsonntog werdn de Buschn bloß no greane Blattl trogn,
wenn de Katzl ganz vaschwundn san.
Do ko ma jedazeit Äst vo andane Sträucha hernehma.
(Ma derfs bloß net erkenna.)
Gedicht und Foto: Marga Leingartner, Rosenheim
