Winta i’s wordn
Endli hot’s gschneit, juchee!
Übaroi liegt a schneeweißa Schnee.
De Skifahra kennan eahnane Brettl waxln.
Sie brachan nimma an Berg aufihaxln.
De Natur ko si wieda schlaffa legn
unta dem weißn Segn,
im Gegnsatz zu de Leit
dene wo da Schnee Arbat bereit’.
Sie müassn früah aufsteh:
Ausschlaffa, des is passé.
„Gymnastik am Morgen
vertreibt Kummer und Sorgen.“
Hörts schneibn net auf, gibts nix z’Lacha.
Dann muaß ma hoit Übastundn macha.
Gedicht und Bildmaterial: Marga Leingartner
