Sunnableame-Vierzehnling
Heit (26.11.2023) hob i in Happing a Sunnableame gsehgn:
Ganze vierzehn Kinda san dro gwen.
Wia des passiert is, ko ma bloß vermutn.
Es gabat ja mehra Methodn.
Oa Möglichkeit foit mia grod ei:
Des muaß a bsundane Zucht sei.
Wahrscheinli hot si a Happinger Bauer wos nei’s ausdenkt
und da Muattapflanzn an 14fachen Nachwuchs gschenkt.
Es gibt ja imma weniga Biena,
und valossn ko ma si aa nimma aufs Klima.
Do muaß ma si scho wos neis ausdenka,
wia ma de Pflanzn vui Kinda tuat schenka.
Wenn künfti bei da Muattapflanzn oiwei 14 Kinda dro san,
kanntn de Happinger Bauern an da Ackaflächn sparn.
Auf da frei’n Flächn kannt ma bei de hoaßn Summa Banana obaun,
und i brachat koane mehr kaffa, sundan kannts klaun.
Des waar mei Traum!
Gedicht und Foto: Marga Leingartner
