Flugpost übern Atlantik – ein Gedicht von Marga Leingartner, Rosenheim
De zwoa Leit tua i kenna.
Sie tean si Habereder nenna.
Ausgwandert sans nach Amerika,
warn aba zua Wiesn öft da.
Zur Zeit i’s schlecht mit Rübafliagn.
De Samerberger Nachrichtn teans aba kriagn.
De teans gern lesn.
Mia san oiso net vagessn.
Intressant, wia de zu de Nachrichtn kema.
Müassn dafür etwa d’Vögl nüba renna?
De Zugvögl tean eahna bestimmt den Gfoin.
Des ko i ma guat ausmoin.
A Schwaibe is dafüa z’kloa.
Des müassn scho grouße Raubvögl toa.
De kennan mit’m Schnabe bessa zuapacka.
Do tean net de Seitn in da Gegend rumflacka.
Natürli muaß’s Wetta passn.
Da Wind braacht eahna net entgegn blosn.
Wenn da Wind vo Westn kimmt,
i’s sicha, dass er schlechts Wetta bringt.
Gedicht und Foto: Marga Leingartner – Ehepaar Habereder, ausgewandert nach Amerika
Marge und Ihr grosses Herz hat gezeigt wie klein die Welt ist und, dass auch in dieser schwierigen Zeit wir alle BEISAMMEN sind denn Gedanken und Gefühle kann man nicht trennen und sie hat vollkommen Recht, unser Herz ist in unserer alten Heimat. Weil unser Herz bei Euch ist, können wir hier in Kalifornien unsere Traditionen weitergeben. Herzlichen Dank liebe Marge, hervorragend geschrieben. Ja Samerbergernachrichten haelt uns am laufenden was los ist bei Euch und so sind wir mit einem Bein doch daheim. Danke für die ausgezeichneten Beiträge, die Ihr bringt.