Ein Gedicht: Flammenmeer am Himmelszelt

Flammenmeer am Himmelszelt

Vor paar Tog hot da ganz’ Himme brennt.
I bi glei mit’m Fotoapparat aussi grennt.
Kaam is de Sunn do gwen
war’s mit dem Feia aa scho wieda gschehgn.

Vo da Feiawehr is Koana daher grennt.
Da Himme hätt no lang brennt,
wenn de Sunn net mit ihra Macht
des Feia hätt zum Erliegn bracht.

De Sunnasttrahln hobn scho an haufa Kraft
Da Wassastrahl ausm Feiawehr-Schlauch hätt des nia gschafft.

Gedicht und Bilder: Marga Leingartner