Wieder ein Gedicht von Marga Leingartener aus Rosenheim
Apruiwetta
Seit kaum mehr oana vo Amerika tuat rüba fliagn
tean ma koan gscheitn Wettabericht mehr kriagn.
Net amoi de Sunn kennt si aus.
Sie schaugt ganz vadattert zwischn de Wolkn raus:
Muaß i jetzt auf- oder untageh?
Werds Wetta schlecht oda schee?
Da Petrus denkt si, de Voraussogn san net schlecht;
letztendli hob aba i recht.
De Wettafrösch vazähln uns manche Sacha,
’s Wetta selba tuat aba da Petrus macha.
Net da Aprui macht wos er wui.
Des is da Petrus, der macht wos er wui!
Bericht und Foto: Marga Leingartner
