Christkindlmarkt – loß Di boid wieda sehgn! – Ein Gedicht von Marga Leingartner aus Rosenheim
Da Rousnhoama Obabuagamoasta hots richtig gmacht,
dass er glei an Christkindlmarkt hot obgsogt.
De Leit waar’n vo übaroi her kumma.
So eng wia diam auf da Wiesn waar’s zuaganga.
Vo übaroi, wo’s koan scheena Christkindlmarkt hätt gebn
waarn s’ daher gströmt, nimma zum Übasehng.
An Abstand vo 1,5 Meta waar niamois net drinn gwen.
Es hätt a ganz a starks Gedräng gebn.
Des Scheiß Coronavirus hätt des bestimmt gern gsehgn.
Es ko si millionenfach schnella wia Karnickel vermehrn.
Des Kontrolliern hätt niamois guat hie ghaut,
und de Schandi hättn de Lag nimma durchschaut.
Jetzt san de Christkindlmärkt fast übaroi obgsogt.
Do siehgt ma, wos unsa OB, da Herr März, für an groußn Weitblick hot.
Gedicht und Foto: Marga Leingartner – Max-Josefs-Platz in Rosenheim mit Weihnachtsbeleuchtung, aber ohne Christkindlmarkt
