„Kontrollstreifen“
Mia hobn unsane südlichn Nachbarn imma gern bsuacht,
jetzt san de Grenzn zua, vafluacht.
Wegam Virus aus Südafrika, dem Hund,
san de Schlogbaam wieda unt.
De Autobahna san laar,
des trifft de Mautkassn schwaar
De Östareicha hobn uns bstimmt gern gsehgn,
scho alloa dem Fremdnverkehr zweng.
Ins Nachbarland einischaugn,
des werd ma si hoffentli no deafa traun.
I hob einfach a Buidl vo da Houchn Salve gmacht,
wei de Sunn so schee hot glacht.
An Wuidbarrn hob i aa aufi do,
dass er mia net beleidigt is, da guate Mo.
Ohne de Woikn hätt i de Berg net fotografiert,
do hätt mi des Motiv net intressiert.
Dean ma net klogn
oda gar woana und vazogn.
Vielleicht soit ma herent und drent an de Grenzn rübalacha
und oisamt Winkewinke macha.
Gedicht und Foto: Marga Leingartner
